landoke-Ndoke Ke Lakolo-Kolopua
I molengo ai
ane ke ndoke ke kolopua. Safakutu no fila I laro nurompu, I laro u fila-fila’a
o poafa te hu’u pida. O ala e na hu’u pida iso, maka no bagi dua e. fikiri u
ndoke “kumala te umbuno naiaku, parantai na bumae handa maka te hu’u no ako te
kolopua”. Pasi iatu no hembula emo na pida iso.
Safakutu no
poafa, no ema a kolopua “afana umpamo na pida u” o balo na kolopua “ I idomo sa
ro’o, ara te iko o ndoke” o balo a ndoke “ matembaole-ole idombaole-ole”.
Pasi iatu o poafamo uka, ema na ndoke “afana umpamo na pida u kolopua “, balo
na kolopua “o idomo dua ro’o, ara te iko o ndoke”, o balo na ndoke
“matembaole-ole idombaole-ole” . pasi poafano meatu’e ai, o poafamo uka. O ema
na ndoke “afana umpamo na pida u kolopua”, o balo na kolopua “ o baemo, ara te
iko o”, o balo na ndoke “matembaole-ole idombaole-ole”. Pasi iatu no
poafamo uka. Ema na kolopua “ afana umpamo na pida u ndoke”, balo na ndoke “o
matemo bisa te la’ano sa ekamo no to ita , ara te iko o kolopua “o motaamo”.
“ara afanatu mai to ita’e”, o bisara na ndoke.
Maka te emai o
filamo di pida iso. Saratono di iso, kolopua no soba o eka e na pida iso, toka
eka no dari. O bisara na ndoke “afana umpa ko u mekae na pidatu”, balo u
kolopua “ eka kudahanie”. Parantai te la kolokolopua eka o dahani ekaa ahirino
no melumo ako a umekae te ia. Ema na ndoke “afana umpa ara ku eka emo la ate
iaku, laa u huu aku te gadi”. Te la kolokolopua no hada, maka te ndoke no eka
emo na pida iso. Saratono di fafo, no manga emo na pida iso te ndoke, ara no
melu na kolopua, buntu no metae te kulino, bisara u kolopua “ndoke huu aku
sabae”, balo no ndoke “basido, kunami-nami edo lagi”. Tunggala no melu o balo
torusue afana iso.
Parantai no
mangaremo I sai akono di ndoke, maka te kolopua o lahamo te akala ako te
pamanda u ndoke iso. No lahamo te femba, maka no pamohamae, torusu no tanoe di
futa toka no tofunie te roo nu kau. O bisara na kolopua “ko tumuhu di futa ara
di kasoro”, balo no ndoke “ku tumuhu di kasoro”, bisara nu kolopua “ara afanatu
tuhumo, kanae kusiapu akokomo”. te ndoke iso no tombomo, te orunguno no tika
emo te femba iso.
Te o rungu no
ndoke iso no koho-koho e te kolopua, maka no asoe di kampo nu ndoke keneno “ te
emai na bumalu te ate nu komparu, potukara e ke ganda ke mbololo” te bisara u
kolopua I tenda ako nu dage iso. Pasi no balue te ndoke keneno, o bisaramo na
ia kua “manga te age nu ndoke keneno”. Parantai te bisarano iso sa no rodongo e
“u bisara to umpa, u hei di mate a” bisara nu ndoke2. Maka te kolopua no daga
emo te ndoke iso, toka no oko di loba. Parantai te oko anao iso sa no dahani e,
maka te loba iso sa no nabuti e te fatu, ahirino te kolopua o mate.
Terjemahannya dong
ReplyDelete